Ek is dankbaar… My 67-minute plan vir Mandela-dag

Goeiedag liewe mense

Vandag is die 18de Julie. Mandela-dag. Nie net is dit ons oud President se verjaarsdag nie, maar op hierdie dag vier ons Nelson Mandela en die 67-jaar wat hy geveg het vir Vryheid.

Ek het besluit om die 67-minute veldtog aan te pak waarin SA en die buiteland se mense aangemoedig word om iets positief te doen vir 67 minute. Jy kan jou kaste uitpak, die strate skoonmaak of sop kook vir ʼn sopkombuis. Daar is baie opsies.

Ek (ʼn mens) het so baie om voor dankbaar te wees. Ek het besluit omvir 67 minute 67 redes te gee waarvoor ek dankbaar is. Dit klink dalk kinderagtig, maar ek glo op die langtermyn sal dit positiewe effekte meebring.

  1. Ek is dankbaar om te leef en elke oggend op te staan
  2. Ek is dankbaar vir my gesondheid
  3. Ek is dankbaar ek het my verstand
  4. Ek is dankbaar vir my menseregte
  5. Ek is dankbaar ek het in goeie sosiale omstandighede grootgeword
  6. Ek is dankbaar vir my keuses, goed of sleg
  7. Ek is dankbaar vir my geloof en dat ek ʼn Christen is
  8. Ek is vir al my lewensbelewenisse soos om te snorkel of om te vlieg
  9. Ek is dankbaar ek is ʼn Suid-Afrikaner
  10. Ek is dankbaar ek kan in SA bly
  11. Ek is dankbaar vir my ouers en al hul ondersteuning
  12. Ek is dankbaar vir my susters
  13. Ek is dankbaar vir wonderlike grootouers
  14. Ek is dankbaar ek het goeie onderwysers gehad
  15. Ek is dankbaar ek het ʼn groot familie wat omgee
  16. Ek is dankbaar dat ek Afrikaans, Engels, Zoele en ‘Nonsens’ kan praat
  17. Ek is dankbaar vir my werk
  18. Ek is dankbaar ek kan my eie geld verdien
  19. Ek is dankbaar vir my skryftalent
  20. Ek is dankbaar dat ek nie in die apartheidsjare grootgeword het nie en dat nie een van my vriende grens toe is nie.
  21. Ek is dankbaar vir ʼn dak oor my kop
  22. Ek is dankbaar vir krag en water
  23. Ek is dankbaar vir ʼn bed om in te slaap
  24. Ek is dankbaar vir kos op die tafel
  25. Ek is dankbaar vir tegnologie om my en die res van die mensdom se lewens makliker te maak
  26. Ek is dankbaar vir goeie musiek. Veral Country en Neil Diamond
  27. Ek is dankbaar vir wie ek is
  28. Ek is dankbaar vir al my geleenthede wat ek kry
  29. Ek is dankbaar vir sosiale media
  30. Ek is dankbaar dat ek in n tydperk leef waar die mensdom probeer om die wêreld ʼn beter plek te maak
  31. Ek is dankbaar vir goeie koffie en ʼn lekker bord pasta of en vis en kapokartappels
  32. Ek is dankbaar ek het goeie dokters gehad wat my altyd kon ‘fix’
  33. Ek is dankbaar om al my sintuie te hê
  34. Ek is dankbaar ek het vriende
  35. Ek is dankbaar vir die polisie/weermag wat ons dag in en dag uit beskerm
  36. Ek is dankbaar ek sien die wêreld anders
  37. Ek is dankbaar mense het my nog altyd gehelp en geondersteun
  38. Ek is dankbaar ek kon normaal grootword
  39. Ek is dankbaar ek kon dinge soos skyfskiet, visvang en vierwiel-motorfiets ry beproef
  40. Ek is dankbaar ek maak vriende waar ek gaan
  41. Ek is dankbaar ek kon skool toe gaan
  42. Ek is dankbaar ek is twee keer (Laer- en Hoërskool) as Prefek verkies
  43. Ek is dankbaar ek kon koshuis toe gaan
  44. Ek kon al my geleenthede op skool aangryp
  45. Ek is dankbaar ek kan kerk toe gaan
  46. Ek is dsankbaar ek kan my eie menings en opinies vorm
  47. Ek is dankbaar ek kon internasionaal reis
  48. Ek is dankbaar vir elke rugbywedstryd wat ek bygewoon het en die drieë wat voor my gedruk is
  49. Ek is dankbaar vir elke boek wat ek gelees het en die nuwe wêrelde wat ek leer ken het
  50. Ek is dankbaar ek kon die eerste rugbyspan vir drie jaar op die veld lei
  51. Ek is dankbaar ek kon universiteit toe gaan
  52. Ek is dankbaar ek kan mense lees en beter verstaan
  53. Ek is dankbaar ek kan kamp
  54. Ek is dankbaar ek het nie nabye familie wat oorsee woon nie
  55. Ek is dankbaar vir al my besittings
  56. Ek is dankbaar ek kan jaarliks die Kruger-wildtuin besoek en al die wilde diere kan besigtig
  57. Ek is dankbaar dat ek ‘curveballs’ wat die lewe my gee kan oorkom
  58. Ek is dankbaar vir al my ‘gatskop’rolstoelle wat ek al gehad het
  59. Ek is dankbaar vir al my terugslae. Dit maak my sterker
  60. Ek is dankbaar vir diegene wat my so normal as moontlik hanteer
  61. Ek is dankbaar vir al my gunsteling tv-reekse wat my vermaak. Bv. Cheers, Wings en Frasier
  62. Ek is dankbaar ek het my eie manier van dans
  63. Ek is dankbaar om op die platteland te bly
  64. Ek is dankbaar vir die internet om my lewe makliker te maak
  65. Ek is dankbaar ek word nie as ʼn bedreiging gesien nie
  66. Ek is dankbaar mense onderskat my. Ek is mal daaroor om mense verkeerd te bewys.
  67. Ek is dankbaar vir verantwoordelike drywers wat my rondry

Daar is my lys. Ek het baie om voor dankbaar te wees. Daar is nog wat ek uitgelos het. Dis die klein dinge wat saak maak. Gaan julle ook jul eie lys maak?

Baai

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s