Die drie-maand oue verwelkomingsbrief

Goeiedag Bokke of kom ons sê dit in Japanees “Kon’nichwa Bokke”

Voor ek met my gelukwensings vorendag kom wil ek eers net vir julle ʼn basiese verwelkoming gee. Ek het darem ʼn paar maniere (hopelik).

Hoe voel dit om terug in die land te wees na agt weke in The Land of the Rising Sun? Het julle die trippie geniet? Lekker getoer? Ek hoop party van julle was darem Disneyland toe. Vertel my hoe lyk Tokio en hoe proe Kobe-vleis!

Siende dat julle nou terug is, voel ek dis my plig om julle in te lig wat alles hier aan gegaan het toe julle weg was.

  • Eskom het weer met sy streke begin
  • Musi Maimane het uit die DA bedank en tannie Helen het haar ‘comeback’ gemaak
  • Die Zondo-komissie gaan nog aan
  • Die Vaalrivier is nie meer wat hy was nie
  • Die land sukkel met ʼn knellende droogte
  • Faf, Willie en oom Rassie het die land aan die praat gehad met hul vreemde besluite
  • Dit gaan rof in Pretoria-Noord
  • Daar is ʼn All Black-ondersteuner genaamd Johan vir wie almal haat

Nou is julle opgevang.

Manne, welkom terug in die land van biltong en Castle Lager. Ek hoop julle is bly om terug te wees. Ek weet party van julle verkas weer binnekort om ʼn oorsese kontrak op te neem of om vir die Barbarians te speel. Voorlopig, geniet die tyd wat voorlê. Ek hoor julle gaan op bietjie van ʼn roadshow.

Lyk my julle reis so met die N3 af Durban toe en dan met die kuslangs Moederstad toe. Ek verstaan die Rose- en Diamantstad is nie so te vinde daarvoor nie. O wel, mens kan nie alles kry wat jy wil hê nie.

Ek hoop julle sien as julle bietjie die land vol toer hoe baie hoop het julle terug gebring. Hierdie oorwinning het meer vir ons land beteken as in ’95.

Hierdie oorwinning het my die volgende laat besef:

  • Julle het gewys transformasie in rugby werk (maak nie saak wat die doemprofete daaroor te sê het nie)
  • Dit maak nie saak wie jy is of waar jy vandaan kom kom nie, almal is vir sukses beskore
  • Julle het gewys dat oorsese Bokke baie waarde bring en dat hulle altyd toegelaat word om gekies te word, maak nie saak waar hulle gebaseer is nie
  • Julle het gewys al wen jy die Rugbykampioenskap of jy verloor een groepwedstryd jy nog steeds kan die wêreldbeker
  • Jy hoef nie na ʼn bekende rugbyskool soos Grey Kollege of Paul Roos Gimnasium toe gaan om ʼn suksesvolle Springbok te wees nie: Lukhanyo Am (De Vos Malan); Makazole Mapimpi (Jim Mvabasa Secondary); Franco Mostert (Hoёrskool Brits).
  • Die skop-taktiek werk
  • Ons is een van die grootste en mees passievolste rugbynasies op aarde
  • Julle het vir ons, julle mede-landsburgers gewys as ons net ons geskille kantlyn toe skop en saam kan werk ons ʼn uiters verenigde nasie gaan wees.

Daar het ook uitsonderlike dinge gebeur in Japan

  • Frans Steyn wat sy tweede wêreldbeker-wennersmedalje
  • Faf, die prins en sy unieke onderbroek
  • Thomas du Toit en Damian Willemse was oorspronklik nooit gekies nie, maar a.g.v beserings is hulle opgeroep
  • Siya Kolisi se pa wat vir die eerste keer oorsee reis en dit nog vir ʼn finaal waar sy seun die eerste kaptein van kleur is wat die beker verower
  • Japan klop vir Ierland en Skotland en kwalifiseer vir die kwart-eindstryd
  • Urugauy wat vir Fidji klop en Engeland wat vir die All Blacks uitskakel in die een semi-finaal
  • Schalk Brits wat vir die baljoggie buig
  • Hoe respekvol ons behandel is en hoe ons geondersteund was
  • Rassie Erasmus het binne 18 maande ons vanaf ʼnspan 0 tot ʼn span 1 000 gemaak
  • Pieter-Steph du Toit wat benoem is as Speler van die Jaar en Rassie die Afrigter van die Jaar
  • Die tifoon, Hagibis wat sy opwagting gemaak het en groot skade aangerig is. Party wedstryde moes afgelas word
  • Rugby se gewildheid in die Ooste het gegroei
  • Die wêreld leer ken van Japan
  • Tendai “Beast” Mtawaira en Francois Louis wat jul loopbaan op ʼn hoogtepunt afsluit
  • Spelers wat vir klein unies begin speel het wen die Web Ellis-trofee: Willie le Roux (Boland & Griekwas); Vincent Kock (Pumas); Faf de Klerk (Pumas); Lukhanyo Am (Valke & Grens); Makazole Mapimpi (Grens)

Daar is seker baie ander punte wat ek kan noem, maar dit gaan tyd vat.

Dankie vir die oorwinning. Dankie dat julle elke wedstryd bly veg het. Dankie dat julle sterk gestaan het in die moeilike tye. Dankie dat julle ons iets gee om oor te glimlag. Dankie dat ons trots is op ons land. Dankie dat julle gehelp het met die unifikasie en versoening.

Julle is uitnemende ambassadeurs vir Suid-Afrika en julle het vir die wêreld vertel wie ons is. Dankie vir die ‘memories’.

Sayonora (Tot siens)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s