Goeiedag alle lesers
Hoe gaan dit met julle? Laas toe ons gepraat was dit aan die begin van die #Lockdown. Nou trek ons al by Week 11. Of eerder, Level 3.
Ons gaan moet sien wanneer ‘Level 2’ sy opwagting gaan maak.
Elke dag gaan stilletjies verby. Daar is darem meer verbeterings as aan die begin: Die bottelstoor is oop, meeste mense kan gaan werk, ons kan warm etes koop en ons kan kerk toe gaan. In die plekke oorsee waar dit rof gegaan het soos Spanje en Italiё gaan dit darem beter.
Lande regoor die aardbol begin om die ‘Lockdowns’ te verlig. Sport gaan op sommige plekke weer hervat word, grense en toerisme besienswaardighede word oopgestel en meeste mense kan nou buite rondloop.
Baie dinge het verander.
- · Almal loop met maskers rond asof dit die Wilde Weste is
- · Fisiese kontak is op ʼn minimum. Hoe moet ʼn man nous y ‘goose’ soen?
- · Mense gebruik nou hulle stowe by die huis meer as ooit
- · In sommige plekke soos SA mag mens nie drank eetplekke drink nie
- · Sangers moet nou online-konserte gee
- · Niks meer gekuier oor naweke nie (party mense doen dit dalk, hulle ‘post’ dit dan net nie op Facebook en Instagram nie)
- · Tabakprodukte soos twak en skywe mag nie meer op die rake verskyn nie.
Die lewe gaan ook aan. Daar gebeur dinge wat die aandag wegvat van die COVID-19
- · Elon Musk se vuurpyl-projek vir Mars wat suksesvol was
- · George Floyd se verskriklike wrede dood en die repurkursies wat dit veroorsaak het
Ek mis die ou dae. Ons besef nie hoe goed dit eintlik was nie. Ek wonder of die lewe soos ons hom geken het, sal terugkeer. Of gaan ons net moet aanpas met die tye?
Lekker dag verder.
Tief 'Speech' 