Al wat ʼn Suid-Afrikaanse rugbyondersteuner is betreur die saak dat jong, talentvolle rugbyspelers hul tasse pak en hul heil oorsee gaan soek.
Daar is heelwat van hulle in sterk rugbylande soos Frankryk, Engeland en Japan waar die betaling uiters lonend is. Dan is daar ʼn klomp spelers in die VSA se Major League Rugby en in Rusland se Professionele Rugby Liga.
Vir hulle is dat ʼn opwindende van avontuur, ʼn lekker lewenstyl en goeie geld om eendag te gebruik as hulle die spel vaarwel toegeroep het.
Party van daardie spelers kwalifiseer binne ʼn paar jaar later vir hul aangenome land. Daar is baie voorbeelde bv. CJ Stander (Ierland), Paul Willemse (Frankryk) of WP Nel (Skotland).
Party is klaar op die randjie van insluiting, maar danksy die COVID-19 moet hul debuut eers bietjie
wag.
Die kanse is goed dat iemand soos Jaco van der Walt, Duhan van der Merwe (albei Skotland); Ruan Ackerman (Engeland) en Grant Hattingh (Japan) sodra internasionale rugby weer hervat word vir hul aangenome land kan speel.
Dit is nie waar dit ophou nie. Daar is baie meer Suid-Afrikaners wat vir ander (minder rugbybekende) lande speel as wat ons dink.
Hierdie lys is glad nie in enige volgorde nie.
1. JW Bell (Spanje)
2. Guiseppe du Toit (Kanada)
3. Grant Kemp (Hong Kong)
4. Matt Rosslee (Hong Kong)
5. Rubeun de Haas (VSA)
6. Hanco Germishuys (VSA)
7. Shaun Davies (VSA)
8. JP Eloff (VSA)
9. Marcell Brache (VSA)
10. Nico Vermaak (Denemarke)
11. Johan van Heerden (Romieniё)
12. Henri Boshoff (Zimbabwe)
13. Adriaan Botha (Noorweё)
14. JJ van Niekerk (Brasiliё)
15. Henjo van Niekerk (Brasiliё)
16. Renier Els (VAE)
17. Rikus van Niekerk (Sweden)
18. Jaco Otto (Duitsland)
19. Ayron Schramm (Duitsland)
20. Marcell Coetzee (Duitsland) (Nie die Springbokflank nie)
21. Raynor Parkinson (Duitsland)
22. Jarrid Els (Duitsland)
Sien julle, daar is heelwat name en nie een van hulle is juis bekend in plaaslike rugbykringe nie.
Ek weet daar gaan nog van ons spelers vir onbekende rugbylande speel. Wag nog so ʼn paar jaar.
Lekker dag verder
Tief 'Speech' 